Foto’s verskaf deur dr Tinus Benadé en Pieter Keay Die groep wat op uitreik gegaan het na Lesley en Freddie de Waal by Seronga in Botswana. Dit was nie net werk, daar was ook tyd vir visvang en die natuur geniet Tom en Rachel Miller, dr Tinus Benadé, Marco Benade, Gawie en Magda Jordaan, Henk Brits, Megan Brits en 2 van Henk se seuns.
Daar is noodsaaklike toerusting, klere ens saam geneem. Hulle laaste oorslaap was in Maun by Delon en Suzette van Zyl in Maun
Die NG Kerk Thabazimbi het Sondagaand 26 November die jaarprogram op ’n baie hoë noot afgesluit met ’n uitstekende Kerssangdiens waarby die professionele sang-egpaar, Marina Botha Spies en haar eggenoot, Tinus Spies, saam met plaaslike sangers, die kerkkoor en natuurlik, Thabazimbi se eie meester op die pyporrel, René Thuynsma, gesorg het vir ’n puik uitvoering om die geboorte van Jesus te gedenk.
Na die aanvanklike inleiding het die sangers en koor van die galery af beweeg na die ouderlingsbanke en voor die preekstoel vanwaar die res van die uitvoering plaasgevind het.
Met haar ode aan die moeder van Jesus, Maria, het Marina beïndruk met een van die suiwerste stemme wat sekerlik nog in dié kerk gehoor is, met haar weergawe van die Ave Maria.
Marina en Tinus het dit opgevolg met Pie Jesu, om die koms van Jesus aan te kondig.
Marina is die broerskind van Elbie de Kock en dit was dan ook nie vreemd dat twee susters, Berna en Anéll, die vloer met hul niggie, Marina gedeel het nie.
Die interkerklike koor het hul baie goed van hul taak gekwyt en het ook geleentheid gehad om saam met Tinus te sing.
Die gemeente is ook betrek met samesang en die afsluiting met stille-nag waar koor, sangers en orrel saam gesing het om met seker die bekendste kerslied in die hart, die diens af te sluit.
Na afloop van die diens het gemeentelede en besoekers heerlik gesmul aan heerlike gebakte Kersfees nagereg en lekker koffie.
Foto’s deur Trudie en Annelise op fotoblad
12 November
Die belydenisklas was van die begin tot die end deel van die erediens, van die kies van die teks Psalm 139, regdeur met die votum, Tien Gebooie en opneem van die kollekte. Baie geluk aan elkeen van julle, mag julle elke dag krag put uit God se Woord en Jesus se liefde om ook ‘n verskil in die wêreld te maak. Denize Appelgryn, Anton Barnard, Christelle Brink, Sonika Claassens, Janré Combrinck, Elsabé du Toit, Henrico Halgryn, Megan Hearn, Dané Koen, Reynard Kühn, Gareth Meyer, Ruben Moolman, Lara Nel, Dóne Potgieter, Suné Robbertse, Lynn-Mari Schoeman, Gerhard Snyman, Shalyn van der Westhuizen, Fabio Vielmetti.
Baie dankie aan Henk En Ilna Schutte vir julle betrokkenheid en die foto’s van die Belydenisklas.
Kom en geniet ‘n heerlike fees saam met vriende en familie
Deel van die Thaba-Worcester Uitreik.
Wyn en knipmes-aand (vir die manne) Vrydag 5 Mei om 19H00
By Jaco du Toit op Krokodilkraal
Kontakpersoon: Bossie Boshoff 076 646 7859
foto’s is voorsien deur Bok Brits en is op fotoblad te sien
oa is ‘n bakkie die aand opgeveil
Verpakking van die bestellings van af Worcester is gedoen. Surina du Plooy het die foto’s geneem, gaan kyk op die foto blad daarna
Dagsê,
Ek glo u is teen die tyd bewus van die Thaba-Worcester NG Gemeente Samewerkingsprojek. Indien nie, laat weet my gerus en ek stuur vir u meer agtergrond.
Ek vra asseblief u hulp in die verspreiding van die produkpryslyste in u netwerk. Plaas ook asseblief alle bestellings voor 19 April 2017 om ons toe te laat om die vervoer van produkte koste-effektief te kan reël.
Ons hoop ook om u in persoon by die langtafel-ete (R500 per PAAR) by Trekpad Safaris en/of die Manne Wyn & Knipmes-Aand (R100 per persoon) by Jaco du Toit se Krokodilkraal te sien.
Betaling voor 15 April 2017 bevestig jou bestelling of plek by langtafel-ete & knipmes-aand. Betaling kan op drie maniere geskied:
Elkeen se bydrae laat ons toe om die werk van die Here op vele plekke te laat gebeur.
Baie dankie & Vriendelike Groete
Thaba-Worcester NG Gemeentes
Jacques Blaauw
Baie was bewus van die uitnodiging en het daarop reageer.
Nou is die laaste rondtes aan die gang …
Langtafel ete die 5de
Knipmes aand die 6de
Mag daar seën wees op die fondsinsamelings
