Het julle al ooit gewonder hoe dit moet wees om te leef in ‘n land waar ISIS-aanvalle aan die orde van die dag is? Om daagliks te vrees vir jou lewe net omdat jy ‘n Christen is? Moet dan nie Sondag 18 September se geleentheid mis nie. Grace, ‘n Christenvrou uit Irak, wat daagliks in hierdie omstandighede leef, kom haar getuienis lewer om ons te versterk en te bemoedig in ons geloof.
Die aangehegde artikel word in die volgende Kerkbode geplaas – met seker nog ‘n verandering of twee wat aangebring moet word.
Thabazimbi se naam word bo-aan genoem
Ek tans besig om te help met ‘n vloed wat Skopje twee weke gelede getref het, 20 mense verdrink en baie skade.
Ons spandeer baie tyd met die Albanese bevolking wat net Muslims is
Groete
Danie en Esther
16 Sendelinge
Toe tref ’n vloedgolf hulle
Danie en Esther van Niekerk was lidmate van die NG gemeentes Sesmylspruit, Witrivier en Thabazimbi voordat hulle met die steun van hierdie en ander gemeentes Masedonië toe is as sendelinge. Daar is hulle werk onverwags in ’n totaal ander koers gestuur as wat hulle beplan het. ERNST MULLER vertel.
Toe Danie en Esther van Niekerk met hulle kroos na Skopje, hoofstad van Masedonië, verhuis het, was dit met ’n doelgerigte fokus op die Roma-volksgroep (ook bekend as gypsies). Min het hulle besef dat hulle hulself spoedig in die middel van ’n vasteland-wye menslike tsunami sou bevind.
Oor die afgelope jaar het die nood van honderdduisende Siriese vlugtelinge vir hulle ’n daaglikse realiteit geword – hulle roeping kon hulle nie toelaat om blote waarnemers te bly nie. Hulle bedieningspunt, Café Mercy (53 km van hulle huis af), het ’n ligpunt geword vir meer as 787 000 bang en honger reisigers wat deur Tabanovce-stasie beweeg het. Soos ook vir dié wat daar in ’n vlugtelingkamp vasgehaak het.
Die Masedoniese regering en formele noodleningsorganisasies was onvoorbereid op dié tragiese vloedgolf wat deur die land beweeg het. Skaars het Café Mercy begin om koffie, tee en kos aan vlugtelinge te verskaf, en dit word as die “amptelike” noodleningsplan beskou. By tye in vennootskap met nie-regerings-en moslem-organisasies, ander tye alleen, is tot op datum 71 000 liter tee en koffie, 4 800 kg suiker en 30 000 kg vrugte verskaf. 29 000 kinders, wat sonder ouerlike toesig daar beland het, is begelei.
Treine vol mense
By tye het tot vyf treine vol vlugtelinge per dag deur Tabanovce beweeg (die rekord was 10 000 mense op een dag). Dit was nie vreemd nie, skryf Danie, om 07:00 in die oggend te begin en tot 03:00 die volgende dag te werk. Voeg daarby dat klimaatstoestande wissel van 39˚C tot sneeustorms en temperature so laag as -15˚. “Gedurende Januarie en Februarie was dit vir weke benede vriespunt,” skryf Danie. “Groepe met oues, siekes en klein kindertjies moes soms kilometers na Serwië se grenspos in -15˚C-toestande stap”.
Die lang afstande (oor die 101 000 km) wat spanlede moes aflê om die reuse logistieke koördinasie aan die gang te hou, die ure se fisiese inspanning, maar veral die daaglikse konfrontasie en vereenselwiging met die rou nood, vrees en wanhoop van soveel “gewone mense soos ek en jy” eis sy tol onder die werkers en hulle gesinne. Hulle moes vaardighede aanleer wat by geen skool aangebied word nie. Medelyemoegheid (compassion fatigue) is ‹n byna noodwendige gevolg van sulke soort blootstelling.
Daarom is die Van Niekerks en hulle medewerkers so dankbaar vir alle vorme van hulp. Die spanne van Global Challenge Expeditions op die mees uitdagende tyd, toe daar 1200 mense voltyds in en om die stasie gewoon het, was soos manna uit die hemel. So-ook die talle donasies en blyke van ondersteuning uit Suid- Afrika, Singapoer, Duitsland, Engeland en Amerika.
Meer as kospakkies
Uiteraard gaan dit oor meer as kospakkies. Ten spyte van die geweldige druk, kon die werkers ook duisende sinvolle en bemoedigende gesprekke voer, vriende maak met dié in die kamp, en ’n gesig gee aan die liefdesdiens te midde van ’n oormag van verwerping, ontnugtering en tragedie, wat die swerwers oral beleef.
En dan kom daar later ʼn brokkie nuus uit Duitsland van een van die vlugtelinge wat hier gehelp is en daar besluit het om kerk toe te gaan. Hoeveel ander stories van vrug op hulle werk is daar wat die Van Niekerks nooit hoor nie? Maar dit is hoe dit gaan. Hulle saai die liefde. Dit is hulle taak.
Staan ’n mens vir ’n oomblik terug van die hartverskeurende persoonlike nood en hartseer, dan herken ’n mens dit as legkaartstukkies van een van die groot verskynsels van ons tyd. Die geo-politieke verskuiwing van miljoene mense as gevolg van oorlog, volkuitwissings, vervolging (dikwels deur hulle eie regerings), hongersnood en uiterste armoede.
“Duisende vlugtelinge vanaf Sirië, Afganistan en Noord-Afrika kom steeds in Europa aan wat reeds die stormsee in lendelam en oorlaaide bote aangedurf het. Hulle stroom om en oor mure en bewaakte treinstasies in hul desperate poging om weer ’n veilige hawe te vind,” sê Danie.
En selfs gesofistikeerde en ekonomies spierkragtige Europa staan tot ’n groot mate impotent voor die realiteit van dié massiewe uitdagings.
Die Christelike gemeenskap het ’n millenia-oue reputasie van toetrede in die nood van ander (“soms, tragies, ook van ’n gebrek aan daadkrag in die aangesig van sulke wekroepe”). Vir elke mens in nood wat iewers in hierdie stukkend wêreld opkyk na ’n sagte glimlag en die spreekwoordelike beker koue water ontvang, word iets van Jesus se hart weerkaats.
Hoewel die getalle in die kamp afgeneem het, soos wat mense na Wes-Europa aanbeweeg het, is hulle diep besorgd oor dié wat steeds daar bly. Daar is geen werksgeleenthede nie, geen teken van geleenthede vir hervestiging nie. Dus gaan dié werk voort. Kospakkies word steeds verskaf en klasse word aangebied in Vizbegovo, Skopje se toevlugsentrum.
Kontak gerus vir Danie en Esther by danie@ourcalling.co.za vir meer inligting of om ’n boodskap van bemoediging te stuur.
Prediker: ds JZ de Jager
21 Augustus 2016
Mat. 18:21-35 Dis net ‘n skurk wat nie vergewe nie
Ons is besig met die reeks Stories vir die Lewe. En iets wat my opval van hierdie reeks is hoe meer ek met die verhale wat Jesus vertel het besig is, hoe meer besef ek dat al hierdie verhale hulleself elke dag afspeel in ons eie lewens, vandag, hier waar ons bymekaar is.
Die gelykenis wat ons vandag behandel gaan oor vergifnis en die tema waarna ons kyk is – Dis net ‘n skurk wat nie vergewe nie. Dit is harde woorde wat mens baie vinnig laat dink aan jou eie lewe en die manier wat jy vergewe, of nie vergewe nie. En as mens dink aan die manier hoe jy vergewe, of nie vergewe nie dan regverdig jy ook sommer baie vinnig hoekom jy so oor die saak voel.
As ek jou vandag sou vra wat is jou definisie van vergifnis, wat sou jy sê… Of hoe sou jy vergifnis verduidelik aan ‘n 5 jarige kind sodat hulle dit verstaan, hoe sou jy dit doen?
Ek lees van ‘n artikel wat in die Cape Argus verskyn het in Februarie 1990:
In die artikel vertel ‘n joernalis van ‘n meneer Nelson Mandela se vrylating uit die Pollsmoor gevangenis na 27 jaar in die tronk. Die joernalis vertel dat hy baie naby aan die paadjie gestaan het, en kon dus al die verrigtinge baie mooi dophou. Toe die deure oopgaan, het hy vir ‘n baie vinnige oomblik ‘n bitter, harde trek om die mond van die wêreld beroemde, 72 jarige gevangene opgemerk. Maar dit was asof daar ‘n vasberade trek in Nelson Mandela se oë verskyn het, wat veroorsaak het dat sy gesig versag het. Met ‘n rustige uitdrukking op sy gesig het Nelson Mandela die duisende mense voor die tronk gebou tegemoet geloop. Dieselfde joernalis sou mnr Mandela op ‘n later stadium ontmoet en op daardie geleentheid het hy hom gevra of sy waarneming daardie dag reg was. Mandela het vir ‘n oomblik voor hom uitgestaar, en sy kop geknik en erken dat hy op daardie stadium nog nie losgekom het van die gevoel van verontregting nie. Toe hy uitstap en al die mense sien, waaronder selfs gevangenis beamptes was, was dit asof daar ‘n stem vir homself gesê het: Nelson, die afgelope 27 jaar was jy ‘n vry man, al is jy in tronkselle aangehou. Moenie toelaat dat jou gevangenemers nou amptelik van jou ‘n vry man maak, terwyl jy van jouself weer hulle gevangene maak deur jou onvergewensgesindheid nie. Nelson Mandela het die wysheid gehad om te besef dat daar geen groter gevangenis is nie as die waarin jy jouself toesluit as jy weier om jou vyand te vergewe, en vasgeketting bly deur boeie van haat.
In gesprekke waarby ek die week betrokke wat waar ons bietjie saam gedink het oor hierdie teks het frases soos “Elke hond kry sy dag…” en “Die wiel draai…” opgekom. Want dit is die wêreld waarbinne ons leef se houding. Ons weet wat is die regte ding om te doen en ons ken al die regte antwoorde, maar om te vergewe ko nie altyd so maklik nie…
Die wêreld wil ons leer dat as ons vergewe dan is ons swak MAAR Jesus wil ons vandag net weer kom leer dat dit net skurke is wat nie vergewe nie.
Kom ons lees saam uit Mat 18:21-35
Die eerste deel van hierdie gedeelte gaan oor Petrus wat vir Jesus kom vra oor vergifnis. Dit wil lyk of Petrus met ‘n bietjie hoogmoed hierdie vraag vir Jesus kom vra het. Die Rabbynse voorskrifte oor vergifnis was drie-maal. Jy moet iemand drie-maal vergewe. Petrus kom dan, en wys eintlik dat hy iets van die Rabbynse voorskrif verstaan, maar dat hy ook bereid is om meer te vergewe, nl sewe maal. Petrus kon sekerlik een van twee gedagtes gehad het…
Ons weet nie wat sy bedoeling was nie, of dit positief of negatief was weet ons nie, maar een ding weet ons: Hy wil hê dat Jesus ‘n perk moet stel aan die Christelike naasteliefde.
Sommer so terloops, ek weet nie van julle nie, maar ek het ook al dieselfde tipe wens gehad… Dat daar net bietjie perke is aan goed wees, en reg optree, en vriendelik wees, en nie liggeraak wees nie, en om nie te hoef te vergewe nie… Partykeer wil mens mos met hierdie gevoel sit hier binne-in ‘n mens??
Petrus wou ‘n merker kry wat sê: tot hier toe moet jy dit doen en dan nie verder nie… Ons sê dit mos ook… Ek is maar net ‘n mens… Ek raak partykeer vinnig kwaad… Ek sê partykeer goed sonder om te dink… Wat ons eintlik sê is ek wil maar net met dieselfde mate die ou/meisie terugkry as waarmee hulle my gekry het. Maar dan kom Jesus uit ‘n ander hoek uit en kom vertel vir ons ‘n gelykenis wat ons eintlik nie wou gehoor het nie…
Vertel weer die gelykenis…
As mens die gesprek tussen Jesus en Petrus in ag neem terwyl mens die gelykenis lees, dan kom mens agter dat Jesus vir Petrus probeer verduidelik wat die aard en doel van vergifnis is, naamlik:
Ek wil afsluit met ‘n gebeurtenis wat in SA afgespeel het so ruk terug:
Dis ‘n voorbeeld van versoening wat werk
Dit kom uit ‘n boek van Andrew Harvey “The hope, a guide to sacred activism.”
Hy vertel hierin van hierdie ou swart vrou, toe al byna blind, wat voor die Waarheid-en-versoeningskommissie verskyn het saam met die witman ene mnr. van de Broek, wat daar bely het hoe hy haar man en seun voor haar gemartel en vermoor het. Een van die kommissielede vra toe vir haar: “Hoe dink jy sal ons reg kan laat geskied aan jou wat jou familie op hierdie aaklige manier moes verloor het.” Die ou vrou antwoord toe: “Ek wil drie dinge laat sien gebeur:
Hulle kom help haar toe na mnr. van de Broek toe. Hy, oorweldig oor wat hy gehoor het, val toe net daar flou neer en almal in daai hofsaal staan toe op en begin sing “Amazing Grace.”
Harvey sê toe ek hierdie storie lees, toe besef ek dat in daai hofsaal iets gebeur het wat mnr. van de Broek nie gedink het ooit met hom sou kon gebeur het nie, oor die “stupidste” fout wat hy in sy lewe kon gemaak het nie. ‘n Ou swart vrou gee hom ‘n stuk onvoorwaardelik liefde wat hy nie kon verdien nie en neem hom as haar eie familie aan.
Vergifnis is nie lekker of maklik nie. Dit kom nie vir ons natuurlik om iemand met genade te hanteer nie. Maar vir ons om waarlik die lewe te leef wat God vir ons beplan het, moet ons besef dat dit net ‘n skurk is wat nie kan vergewe nie.
Ek gaan geleentheid gee vir stilgebed…
Dink bietjie na oor jou eie lewe:
Tema 3: Moet nooit tou opgooi nie
Prediker: dr Tinus Benadé
Teks: Lk 18:1-9
Inleidend:
Verhaal net in Lukas opgeteken? Plaas meer klem op gebed in sy evangelie en Handelinge ?
Paulus op 2e sendingreis leer ken as hy in Troas aankom. Tot geloof gekom vergesel na Griekeland en Filippi. By Paulus die erns van gebed, die krag van gebed, die noodsaakvan gebed, die volharding in gebed geleer! Tronkdeure gaan oop, Here se hand in Paulus se storie gesien en die vrug op die arbeid – die deursettingsvermoe…
Maak veel meer van gebed ….[tekste]
1.Verhaal van die groot kontras:
Regter het geen ontsag vir God of mense nie [gehoorsaam nie die wet nie] nogtans sal die vrou se aanhoudende gevra / knaende versoek = sy houding verander! Netnou kry ek blou-oog.
Punt wat Jesus maak is dat Sy volgelinge tot God moet nader en Hy sal tot hulle nader!
Vs1 Jesus het vir hulle ’n gelykenis vertel om duidelik te maak dat ’n mens altyd moet aanhou bid sonder om moedeloos te word…
Prayer is not one quick session of listing needs and expecting immediate results. Prayer is continuing to talk to God with persistence. Prayer is based on absolute faith in God, so it never gives up, knowing God will answer when and where he chooses. Prayer also knows that God expects us to keep on praying until the answer comes.
Gebed is die asemhaling van die siel! In kontak wees met God – lewenswyse van gedurig met God praat – hetsy in my gedagtes of op my kniee in my binnekamer.
2.Die een tot wie ek bid – is aan my kant!
Gebed is nie inbelsentrum en ou aan die anderkant wil nie/kan nie help nie! God is aan die anderkant van jou gebed. HG tree namens jou in en tolk jou bedoelings!
Rom 8:26 Die Gees staan ons ook in ons swakheid by: ons weet nie wat en hoe ons behoort te bid nie, maar die Gees self pleit vir ons met versugtinge wat nie met woorde gesê word nie
Vraag:(vorige tema) Sal vader wat uitstorm en omhels – jou gebede ignoreer? Sal Hy nie eerder jou kortknip en veel meer gee as wat jy dink of droom nie?
Liedboek: [o God wat ryk is aan ontferming weerhou genade nooit van my..maar hou my steeds in U beskerming by U sal ek vir altyd bly..ek loof en prys U deurentyd….]
Groot kontras: as korrupte regter toegee = hoeveel te meer ….
Vs.7 Sal God dan nie aan sy uitverkorenes, wat dag en nag tot Hom roep, reg doen nie? Sal Hy hulle lank laat wag? 8Ek sê vir julle: Hy sal hulle help, en gou ook!
(Sag.2:8) So sê die Here die Almagtige wat my met volmag gestuur het na die nasies toe wat oorlogsbuit van julle gemaak het: Wie aan julle vat, vat aan my oogappel.
Toepassing:
Hoor so dikwels: “ek bid al so lank hieroor, maar voel of God my ignoreer?”
Jesus sê dit is onmoontlik! Gebed kan nooit teen plafon vasslaan nie!
Voorbeeld van tannie wat 23 jaar vir haar man gebid het om met alkohol te breek…
[..was my ouers wat vir my gebid het…]
Slot:
Vrae:
God sal jou hoor! Ons moet ons geloof aan Jesus anker! Dit sluit ons lewe en gebedsvolharding in!
Hulle moet in die geloof volhard. Waar die geloof kwyn, kwyn ook die gebed, en andersom.
Gaan ons opgee op God en geloof? Sal vervolging en teenstand beleef – dikwels ‘n stryd om geloof te behou en daarin te groei = gebed is die antwoord en volharding daarin.
Neh 1:6 luister tog, gee tog ag op die gebed wat ek, u dienaar, sonder ophou tot U bid……
(Rom 12:12) Verbly julle in die hoop; staan vas in verdrukking; volhard in gebed.
Ons is hier bymekaar om vir Johannes Zacharias de Jager as leraar van hierdie gemeente te bevestig.
Johannes Zacharias de Jager is deur die kerkraad van NG Gemeente Thabazimbi beroep en sy naam is daarna aan die gemeente voorgehou. Daar is geen wettige beswaar teen sy beroep ingebring nie en hy het bevestig dat hy die beroep aanvaar.
Jesus Christus maak van mense gebruik om deur Sy Woord en Gees Sy kerk bymekaar te bring, te regeer en op te bou. Jesus die Here is die ampsdraer by uitnemendheid omdat Hy gekom het om te dien en om sy lewe te gee vir mense. Hy is ook die Een wat mense roep en dring deur Sy liefde. Die bedienaar van die Woord is dus ‘n gestuurde van Christus aan wie Hy die boodskap van versoening tussen God en mens en mens en medemens toevertrou het.
Ds Jurgens de Jager (pa van JZ) vra nou dat JZ de Jager vorentoe kom om te luister en te sien wat sy amp as leraar behels en wat die Here van hom verwag-
Johnnes Zacharias de Jager, die amp van leraar in ‘n gemeente om vat ‘n wye verskeidenheid van take en opdragte. Die kerkraad wat elkeen ook self deur die Here gekies is, wil jou gawes en talente ten volle benut en het spesifieke take waaraan jy moet voldoen.
(Die Kanselbybel word deur Leon van Rheede van Oudtshoorn, leier-ouderling van die Kerkraad aan
JZ de Jager oorhandig, wat dit daarna op die kansel gaan sit)
(‘n Gebedskers word aangesteek en deur JZ op die nagmaalstafel gesit.)
Liedboek 200:2-3 word nou gesing
EERSTENS, die doop:
JZ de Jager word na die doopvont toe geneem en water word daarin gegooi. Raak weer opgewonde oor die doop wat Jesus self ingestel het en laat dit ‘n teken wees wat mense se harte warm maak.
Gemeente sing: Liedboek 292:1-2
TWEEDENS, die nagmaal.
JZ word na die nagmaalstafel geneem waar brood gebreek en wvn geskink word. Hierdie simbool het die Here ingestel om ons aanmekaar te bind en om ons te herinner hoe lief ons vir mekaar en vir Jesus moet wees. Bied die nagmaal met entoesiasme en kreatiwiteit aan as herinneringsteken aan ons Here wat vir ons baie lief is.
Gemeente sing: Liedboek 526 (2x) Waar daar liefde is
(Die kinders en jongmense staan op)
(Die kerkraad staan op)
7 . Jy is ook verantwoordelik vir die VERSORGING van die gemeente. Dit sluit almal in, klein groot, oud en jonk. Jesus het gesê: “Pas my skape op en laat my lammers wei”
(Die hele gemeente staan op)
Die eise wat aan ‘n bedienaar van die Woord gestel word is hoog en daarom word verwag dat hy
‘n Lewende verhouding met die Here Jesus sal hê en vir ons ‘n voorbeeld daarin sal wees.
Hierdie Skrifgedeeltes wat ons nou gelees het is ‘n brief wat Paulus vir sy geestelike kind Timoteus
geskryf het om hom aan te moedig in sy nuwe gemeente. Timoteus is’n jongman wat tussen
geharde manne die geestelike leiding moes gaan doen. Paulus self sit in die tronk in Rome terwyl
hy hierdie jonge Timoteus inspireer om sy roeping nog meer voluit uit te leef..
En sê hy vir hom
dat hy nie moet bang wees nie,
dat hy nie moet skaam wees nie,
dat hy bereid moet wees om lyding te verduur en
dat hy soos ‘n goeie soldaat die opdragte van die Bevelvoerder getrou uitvoer ook dit wat die
Here Jesus op sy hart lê getrou moet uitvoer.
En dan sê hy vir hom, ek herinner jou daaraan dat jy die genadegawe wat God jou gegee het soos ‘n vuur weer moet aanblaas.
En dis veral oor die “ek herinner jou daaraan dat jy genadegawes wat God jou gegee het wat jy weer moet aanblaas” waaroor ek vandag met jou wil praat JZ my seun.
Haal die blaasbalk uit en gee dit aan JZ
JZ weetjy wat is dit hierdie?
+ Kan jy onthou wat ons gemaak het voor ons hierdie blaasbalk gehad het?
+ Kan jy onthou waar ons ons die blaasbalk bêre in Witrivier?
+ Kan jy onthou hoe ‘n verskil dit aan ‘n vuur gemaak het as mens die vuur aangeblaas het?
Hoe meer ‘n vuur aanblaas hoe groter is die vreugde! ‘n Lekker groot vuur by die braaivleis of by
‘n kampvuur is darem net iets wat’n mens nie genoeg kan bekyk nie.
+ Blaas die vuur aan van die genadegawes wat die Here vir jou gegee het!
Prediker: dr Tinus Benadé 31 Julie 2016
Teks: Mt.13:1-9 en 18-23
Inleidend:
Verhaal van kleinseun by oupa se sterfbed: stories gee lewe. Oupa sterf en seun begin lewe…[ontdek geluk/wysheid/vryheid in Jesus!]
Jesus se 32 gelykenisse in die Bybel= nie gewone stories nie
Dieper betekenis gehad
Slegs hulle wat glo die bedoeling en betekenis sal verstaan
[tydlose waarhede en wysheid kom leer = vensters op God se koninkryk]
Groot waarhede verpak in stories uit die daaglikse lewe van die mense wat Hom gevolg het… 90% van wie kleinboere was – graan, vee, vrugte en groente geboer het (in baie droë klimaat)
In die skare was 2 groepe teenwoordig:
*hulle wat Jesus as redder gesien en aangeneem het..
*hulle wat Hom nie as Messias wou erken nie..
Twee reaksies: volhoubaar en nie-volhoubaar
Deel 1: Jesus se bedoeling met die bekendste gelykenis:
Almal bekend met die situasie: saai met sak en saad val op verskillende plekke en die reaksie is uiteenlopend. Jesus sê: 4 tipes grond is hoe mense op Hom reageer. As mooi daarna kyk kom dit weer neer op 2 reaksies / 2 groepe / 2 paaie…
a.Jesus se woorde veroorsaak verdeling tussen die wat hoor:
Jesus se volgelinge (alle tye) ontvang die Woord, verstaan dit, gehoorsaam dit en voer dit uit
Ander hoor ook maar luister nie..
Verharde hart
Oppervlakkigheid
Gevestigde belange en bekommernis daaroor
3 tipes grond geen oes nie – tog reaksie! Jesus bedoel dat die skynbare reaksie nog nie ‘n oes waarborg nie m.a.w. die mees entoesiastiese reaksie op die Evangelie waarborg nog nie dissipelskap nie..
Dit is slegs die toets van tyd, volharding in moeilike omstandighede, wegdraai van oppervlakkige geluk en sekuriteit wat rykdom bied
Net as vrugte in my lewe sigbaar raak = dat my belydenis van geloof in Jesus waar word /eg is!
Wat is belangrikste? Belydenis van geloof in Jesus / volharding in geloof….
Deel 2: Belangrike dinge om raak te sien
a.Die een vreemde punt wat Jesus maak is die ongelooflike potensiaal van die saad: 100/60/30 voudig? Koringboere hier sal weet dit is onrealistiese verwagting?
Bedoeling is dat hulle wat die Woord glo se lewe tot groot vrug in die wêreld sou lei… net soos in die geval met 2 ander gelykenisse nl. Mostertsaad en suurdeeg
Jy wat hier sit is die bewys van die waarheid hiervan… 11 dissipels het die woorde van Jesus na die wereld geneem en vandag ken jy ook Sy Naam en saai jy ook! Saam met biljoene. Plofbare krag in die Woord!
b.Die genade wat hiermee gepaardgaan
Geen boer saai met die doel dat die saad op alle tipes grond val nie [soos die volgende gelykenis van die onkruid en die koring ook beklemtoon is die genade van Hom wat saai]
Ook vanoggend kom die woorde na mense – op verskillende plekke (bitter en hard, emosioneel, besig, oop..)
(Mat 5:45) sodat julle kinders kan wees van julle Vader in die hemel. Hy laat immers sy son opkom oor slegtes en goeies, en Hy laat reën oor dié wat reg doen en oor dié wat verkeerd doen.
Ons is die saaiers in ons dorp/familie/werksplek/skool/omgewing….moet nie oordeel en mense uitkanseleer nie!
Die Woord kan vandag nog 100 voudige oes lewer as ons gehoorsaam saai….
Toepassing:
Jesus kom met bekendste van Sy verhale en wil iets groter en dieper vir my leer:
Dit gaan nie soseer oor wat die Woord vir my beteken nie, maar die effek op my en wat ek dan vir ander kan beteken! (vergelyk die prente uit die Kinderbybel)
Goeie grond is oop ore wat lei na ‘n oop hart en oop hande!
Goeie grond dui op ware hoorders = diegene wat die Woord diep in hulle lewens laat wortel skiet
Die ware navolgers van Jesus wat Sy woorde hoor en dit lewenslank doen
Slot:
Verhaal van dame wat orrelis was en aan alkohol verslaaf. Woord soveel keer gehoor… hoe pateties? Wat van my? Ek sukkel net so om enige vrug te dra.. hoor ook en val elke keer terug in ou patrone!
2016: jy het vandag weer die saad ontvang – saad met ongelooflike groeikrag
Wat het vanoggend met jou gebeur? [is die blote feit dat ek hier sit aanduiding dat ek goeie grond is?]
Besef net al 4 is hier:
*so kwaad vir die Here is…
*Wow nou gaan alles in my lewe verander..
*sal teen Dinsdag te besig wees met oorlewing om te onthou…
*Ore en oë en harte en hande sal oopgaan en ander met Jesusliefde sal dien!
Artikel soos verskyn in die Kerkbode van 06 Mei 2016, soos weergegee deur ds Ernst Muller
Die versengende droogte verrinneweer die landbou. Die munisipaliteit het in duie gestort en is onder administrasie geplaas. En die groot ysterertsmyn, waar-aan die dorp sy ontstaan en naam te danke het, het toegemaak. Maar die gelowiges van Thabazimbi se deernis vir die hele wêreld is nie deur dié rampe gedemp nie. In die plaaslike NG Gemeente, byvoorbeeld, is daar oor dekades heen, ‘n diepgewortel-de kultuur v nederige en kundige diensbaarheid gevestig, wat dié teenslae oorleef
Daar is min aksies wat uit hul eie geledere ontstaan het, maar groot gewil-ligheid om talle hulpaksies, wat uit ander kerke, organisasies en individue se inisia-tief gebore is, na hul behoeftes te ondersteun.
Thabazimbi NG Gemeente se harte reik ver, onder meer na Evangeliewer-kers in Frankryk, Masedonië en ander Europese lande, aan wie lidmate gereeld diensbesoeke bring waartydens hulle dié dienaars bemoedig en op praktiese ma-niere met hulle bedienings help. Die Gemeente verleen ook morele en materiële hulp aan werkers in die Ooste: in Pakistan, Thailand en Japan.
In Suider-Afrika beweeg daar gereeld diens-safari’s na gemeentes en wer-kers in buurlande: Seronga in die Botswana-Delta, die Topnaars van Kuisebvallei in Namibië, en die Lozi-gemeentes in Caprivi (waar die Gemeente se leraarspaar ‘n kwarteeu gelede as sendelinge gedien het) “Die doel is om nooit ons eie ding te gaan doen nie” sê die uitreikmense, “maar om op versoek, en onder die leiding van die plaaslike werkers en leiers eenvoudig te help met waarmee ons kan” Dít sluit dikwels harde fisieke arbeid in.
Ander gemeentes en kerkgroepe, diensorganisasies en staatsinstellings in Limpopo vind in Thabazimbi NG Gemeente ‘n lojale en standhoudende vennoot. Toe Dwaalboom Gemeente se Evangeliesasiespan by Marico-draai ‘n nuwe tent benodig, het hulle méér ontvang in die gestalte van persoonlike besoeke en hulpverlening.
Om en in die dorp is lidmate onder meer by Abraham Kriel Kinderhuis, by skole, kleuterskole, plakkerskampe, die hospitaal en die gevangenis betrokke – altyd in noue samewerking met ander rolspelers. Wie aan Thabazimbi-Gemeente se deur klop, sal nie sommer ‘n koue skouer vind nie.
‘Ons werk met mense’ “Mense sê soms vir my: ‘ Hier is geld vir jou pro-jek, maar ek wil foto’s hê’ vertel Trudy Vorster, wat onder meer die voedselhulp aan minderbevoorregtes organiseer. “my antwoord is altyd: “ons werk met ménse, nie met dinge nie, ons sal niks doen wat die behoeftiges se menswaardigheid aantas nie” Sy voeg by “Ons gee aan mense die beste kwaliteit kos en middele, met dié boodskap: ‘Die Here sorg beter vir ons as wat ons vir ons self kan sorg’ “ Die net-werk van welwillendheid waarvan die NG Gemeente, Thabazimbi, deel is, lei tot we-dersydse ondersteuning – in één treffende geval – genoeg vleis om maande lank in minderbevoorregtes te behoeftes te kon voorsien.
In dié verarmde myndorp is daar intussen ‘n Bybelskool gestig. Lidmate bedien inwoners van huis tot huis met die Evangelie, ongeag hul kultuur of kerkverband. Dié bereidheid om grense oor te steek is ‘n refrein wat hom telkens herhaal. Dit is ook besonder waar vir die Gemeente se toegespitste uitreike na die bejaardes van die ganse dorp en gemeenskap, wat vir hulle na aan die hart lê.
“Dit gaan natuurlik nie net oor kerklike projekte nie” sê Dr Tinus Benadé, die gemeente se leraar (en deeltydse boer) “maar oor die daaglikse verskil wat gelowiges maak, dáár waar hulle beweeg, en daar waar hulle harte lê.
Ons het byvoorbeeld kundige lidmate wat, tenspyte van gespanne verhoudings en soms geniepsige reaksies, bystand aan die stadsraad aanbied. Ander is weer ernstig betrokke in die politieke lewe, ander by skole, by maatskaplike dien-ste en by landbou-belange. Gemeentelede bemoedig mekaar en herinner mekaar dat dit nie oor “ons gerief en gevoelens” gaan nie, maar oor die koninkryk, wat ter wille van alle mense én toekomstige geslagte op elke vlak van die gemeenskap moet deurbreek.
‘ ‘n Nuwe Thabazimbi ‘
Wat hou die toekoms in? Wat word van ‘n strategies geleë dorp (130 km van al die groter buurdorpe af, en omring deur kleiner gemeenskappe) wat sy kernbedryf verloor? Mens dink onwillekeurig aan Heartlines se rolprent Hopeville, die storie van ‘n geduldige visionêr wat alle rolspelers kan inspireer om nuwe moontlikhede raak te sien.
“Die Here het reeds so iemand voorsien” getuig dr Tinus later. ‘n Sakeman, ‘n diep gelowige, het begin om nuwe lewe in die plaaslike sakekamer te blaas en moedig leiers en inwoners aan om gróót en kreatief te droom: oor ‘n nuwe Thaba-zimbi wat vir die volgende 63 jaar en meer gereed is. “Ons praat hom moed in en versterk sy hande” “Die Here het soveel kosbare gawes aan ons Gemeente gegee: diepgaande kennis van Sy Woord, saam met die gawes van onderrig: méér mate-riële middele en infrastruktuur as wat ons besef, en soveel waardevolle mensema-teriaal. Ons glo dat dit ons roeping is om hierdie gawes ruimhartig met ander te deel” bely dr Tinus Benadé met passie. Thabazimbi inspireer ‘n mens met haar rug-graat van staal én hart van goud.
Ons gaan 6 van Jesus se gelykenisse bestudeer…
Ds Gerrie Doyer het vanoggend in kort vir ons kom vertel waaroor die reeks gaan. Die volledige diens is ook op audio te sien
Kwartaaltema: Stories vir Léwe
Teks: Matteus 13
Stories word verdeel in:
Goedvoelstrories (aangrypende):
Amerikaners bombardeer ‘n gebied in Viëtnam en onwetend sluitdit ‘n weeshuis in. Een van die die dogters moes dringend ‘n bloedoortapping kry en met behulp van ‘n tolk word daar na iemand gesoek en al een wat kan help is haar jonger broer. Hy is baie ontsteld en weier. Na ‘n ruk se onderhandelinge stem hy in en die dokters wou weet waarom die vreeslike onsteltenis. Die seun was onder die indruk dat hy al sy bloed moes skenk en sterf om sy suster te red.
Gelykenisse:
Jesus leer ons deur gelykenisse “Stories vir Lewe”
Vermaaklike stories:
Boer kom tot bekering en alles op plaas moet Christelik raak. Soek na ‘n Christelike perd. Kry een te koop wat reg is. Hardloop op “Halleluja” en stop op “Amen”. Boer gaan haal perd en saal hom op toe hulle tuis kom. Perd ken nie plaas nie en op “Halleluja” trek hy weg op volspoed. Boer vergeet “Amen” vir stop en die afgrond kom nader. Hy onthou betyd en skree “Amen”. Perd stop dood. Boer roep “Halleluja” uit pure verligting.
Die fliek “Beautiful Mind” gaan oor John Nash se lewe. John bereken alles, niks word aan toeval oorgelaat en hy ontwikkel skisofrenie, sien illusies en dit vererger en hy verloor alles, behalwe sy vrou wat hom bystaan.
Sy help hom terug na normaliteit en toe besef hy dat alles hoef nie bereken te word nie, dat liefde alles oorwin. Hy word so gesond dat hy die Nobelprys wen vir iets, en sy hele toespraak gaan toe nie oor wat hy gedoen/gesê het nie, maar, oor die betekenis van liefde en dat jou verstand nie alles is nie, lefde wel.
Bybel is vol stories vir lewe.van die Skepping af, verby Adam en Eva. Noag oor redding. Trek na Egipte, die uitog, konings, profete en beloftes.
Die Meesterstorie verteller is 2000 jaar gelede gebore. Alles wat Jesus mense geleer het was in die gelykenisse. Mat 13:52 Hy sê toe vir hulle: “So is elke skrifgeleerde wat ‘n leerling word in die koninkryk van die hemel, soos ‘n huiseienaar wat uit sy voorraad nuwe en ou dinge te voorskyn bring.”
Krag van gelykenisse:
1. Stories oortuig: sonder om te argumenteer moet jy van die mees oortuigende storie gebruik; jou eie, jou lewensstorie.
2. Maak verbeelding wakker – stimuleer: hoor die gelykenisse en sien die gebeure in jou kop. Laat Jesus se verhale jou verbeelding weer oploop kry.
3. Dra waardes en waarhede oor op ‘n indirekte manier. Dink aan die verlore seun – die storie draai jou kop oor Godsbegrip.
4. Maak waarhede en waardes oop, definisies maak toe. Jy kan nie God defineer nie. Voorbeeld: jy kan die definisie van water gee.
5. Stories hak vas in jou gedagtes, veral as die prediker iets gebruik om die doel van die preek te illustreer.
6. Stories vra vir beslissings; Jesus se gelykennisevra beslissings. Dit vra vrae in gesprekke. Mat 13:11 Hy het hulle geantwoord: “Aan julle is dit gegee om die geheime van die koninkryk van die hemel te ken, maar aan hulle is dit nie gegee nie.
Skriflesing: Lk.11:34-36
(Luk 11:34) Die lamp van jou liggaam is die oog. As jou oog goed is, is jou hele liggaam ook verlig. Maar as jou oog sleg is, is jou hele liggaam ook sonder lig.
(Luk 11:35) Pas dus op dat die lig in jou nie donker is nie.
(Luk 11:36) As jou hele liggaam verlig is en nie ‘n enkele donker plekkie het nie, sal dit heeltemal verlig wees soos wanneer ‘n lamp jou met sy skynsel verlig.”
Inleidend:
Buurvrou se wasgoed dof en vaal, eintlike probleem was huis se vuil vensters!
1.Agtergrond:
Lk 11:30 ev gebruik Jesus 3 illustrasies om mense se reaksie aan te toon op Sy lewe en boodskap:
2 uit geskiedenis nl. Jona en Salomo, 3e illustrasie kom uit alledaagse lewe: lampie wat op staander geplaas word om meeste lig te kan verskaf.
So was Jesus se bediening in die openbaar vir almal om te sien en te kon hoor.
Vs.34 Mense se reaksie op Jesus was soos die van ‘n oog op die weerkaatsing van lig: as die oog goed/oop/ontvanklik is – sal dit die wonder van Jesus se lewe raaksien en inlaat om hele wese te kom verlig. Maw sal dit snap en sal vreugde in persoon se lewe bring. [net soos die saad wat in die goeie grond geval het, kon ontkiem en ‘n groot oes oplewer]
Hulle wat Jesus se woorde verstaan en ingeneem het, se hele lewe is daardeur verander – daar het kennis, vrede en kalmte gekom.
Soos wat die lig by skoon vensters kan instroom en die hele vertrek kan verlig en verwarm.
Vs.35 waarsku dat foutiewe oog soos vuil vensters kan verhinder dat ek ook die effek van Jesus se liefde in my lewe kan ervaar.
Dinge soos: ongeloof/ongehoorsaamheid/vooroordeel/materialisme, ens kan maak dat ek die weerkaatsing van die lig nie kan sien of inneem nie.
Jesus sê dus: om ontvanklik te wees vir Sy boodskap is soos wanneer ‘n goeie oog voorwerpe kan onderskei wat die lig weerkaats. In donker kan mens niks onderskei nie, sien nie.
Toepassing:
Jesus gebruik nog ‘n keer die beeld van lig en die oog wat daardie lig na binne kan laat: sluit aan by Ps.119:105 en 130
(Psa 119:105) U woord is die lamp wat my die weg wys, die lig op my pad.
(Psa 119:130) Wanneer u woord vir mense oopgaan, bring dit lig; dit gee insig aan dié wat nog onervare is.
Belangrik dat die lig nie net buite moet skyn nie, maar in ons lewens moet invloei om sy goeie werk te kan doen. Die inkom van die Woord in my lewe bring lig!
Die oog en in watter mate jou oog die lig inlaat dui hier op jou openheid vir die Woord van God en die werking daarvan in jou lewe.
2.Effek van die Woord op ons lewens?
(Eph 1:17) bid ek dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken.
(Eph 1:18) Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het,
Die vraag oor wat die afgelope jaar se reekse se temas vir my as persoon/ons as groep/ as gemeente beteken het, het hiermee te doen:
*as my oog oop en helder was – sou die waarheid van die Woord na binne gevloei het en my lewe verlig het
*as my oog dof /vensters vuil was v/d sonde in my lewe sou ek niks raakgesien of ingeneem het nie
Verskeie keer lidmate gehoor wat sê : “dis asof daar vir my ‘n nuwe lig in hierdie afgelope jaar opgegaan het. Skielik ‘n nuwe verstaan gekom het.
Slot:
Nuwe reeks vir derde kwartaal is: “Stories vir lewe” Ons gaan 6 van Jesus se gelykenisse bestudeer…
Vraag is : “wat gaan die effek wees op my lewe? Gaan die lig na binne stroom en my hele lewe verlig?
Gaan ek in die toekoms probeer om ‘n beter spanspeler te wees?
Gaan ek ander toelaat om naby my te kom?
Gaan ek my Godgegewe passie laat ontwikkel tot ‘n bediening?
[ek kyk nou anders na die lewe… ek kyk met nuwe oë..]
Deur Sy Woord het die HG ons vensters kom was – sodat ons weer met nuwe oë na God / medelidmaat/ self kon kyk.
Teks: Kol 4:1-18
Tema: ‘n Gemeente vol gebede
Inleidend:
Kolossense ‘n brief vol gebede: Begin met gebede vir die jong gemeente [..ons bid vir julle..]
Sluit weer met gebede: nou vir mekaar [..volhard in gebed / bid vir ons..]
*probleem sedert Jesus se dissipels al ..” Wat moet ek bid? / Hoor God my? Sal Hy my antwoord?”
1.God verhoor gebed en word verheerlik!
God wil ons seen: niks verheerlik Hom meer as die afhanklike gebed van Sy kinders nie! Hy verhoor ons gebede en gee ons vreugde – sodat Hy eer sal ontvang!
Bybel stel ons voor aan
John Piper: “..prayer is the translation into a thousand different words of a single sentence : “…apart from Me (Jesus) you can do nothing..” [Joh.15:5]…”
Niks verheerlik God meer as ‘n mens wat aan die einde van hom/haarself gekom het en na Hom uitroep om hulp nie….
(Mat 5:3) “Geseënd is dié wat weet hoe afhanklik hulle van God is, want aan hulle behoort die koninkryk van die hemel.
Psalm 141:2 Mag my gebed voor U wees soos ’n wierookoffer, die uitstrek van my hande soos ’n graanoffer in die aand.
(Psa 50:15) Roep My aan in die dag van benoudheid: Ek sal jou uithelp en jy sal My eer.”
3 sake:
Bid in jou situasie
God sal jou help
Hy sal die eer ontvang….
Slot:
2 voorbeelde van praktiese gebed: