2022 Riemvasmaak uitreik

Die foto’s spreek vanself, Die uitreik was om die kinders van Vredesvalei naby Kakamas te geen wys en te vertel van God. Dis gedoen met ‘n Poppekas, sport en die Bybel.

Hier is ook getuienis van Melanie, Werner en Marlize Meyer. Lees dit en kyk na die foto’s en mag die saad wat gesaai is deur die groep, veelvuldig saad dra.

‘n Groepie van ons gemeentelede het die afgelope week reggemaak en gister, 1 Julie, gepak om Saterdag. 2 Julie, te vertrek, met ‘n uitreik, na Vredesvallei naby Kakamas by Jimmy en Marlize Meyer. Om daar saam met 15 studente van Potchefstroom te gaan werk en te help om Jesus se hande en voete te gaan wees.

Beurtkrag kon nie eens die positiewe gees blus nie. Selfs toe daar gesoek word na ‘n toe sleepwaentjie en is hulle gehelp.

Van ons gemeente het gegaan:

Ds Bernard v Wyk, Michelle Snyman, Marie Barnard, Willie, Teresa, Werner en Melanie Burger

Deur die week sal foto’s van hulle werksaamhede bygevoeg word. Dra hulle in julle gebede en geniet die reis saam met hulle.

dankie vir Michelle Snyman en Marie Barnard vir die foto’s

Dit was wonderlik om met kinder te werk, baie behulp saam gewees. Ek self het nuwe goed opgetel by die kindertjies, liedjies gesing soos vader Abraham, ek weer geleer om meer vir my naaste lief te wees en om te gee as myself, en ja die Heilige Gees was by my en teenwoordig en die glimlag te kan sien op hulle gesiggies. Hoe ek dit ervaar het? Dit is n groot uitdagging gewees vir my en tog baie geleer . Melanie Burger

Die 2de week van Julie het ons uitreispan na Vredesvallei in die Noord-Kaap gereis. Ons het verskeie aktiwiteite gedoen om die Boodskap van Jesus oor te dra en dit uit te leef. Dit was ‘n belewenis om die kinders se gesigte te sien ophelder. Dit het ons harte laat smelt. Ons poppekas was ‘n sukses om die kinders te leer van Jesus en die gebeurtenisse in die Bybel. Van die aktiwiteite, soos sport, oa sokker, was ‘n bietjie van ‘n struikelblok, want nie almal van ons was fiks genioeg nie! Maar dit was lekker om almal ‘n stukkie geluk van God-Drie Enig te gee en ‘n verskil in hulle lewens te maak.

Werner Burger 22 Julie 2022

Liewe Gemeente

Gedurende die tydperk van 3 tot 9 Julie het ons die voorreg gehad om jul gemeente en ook ‘n groepie van die Potch studente kerk vir ‘n uitreik by ons te hê. Die groepie het uit 22 mense bestaan.

Ons het dadelik aanklank by die groep gevind en dit was vir ons heerlik met hulle hier. Dit was baie mooi om hulle diensbaarheid op alle vlakke te beleef van die jongmense wat lekker programme met die kinders en jongmense aangebied het tot die kombuispan en die hekmakers.

Die groep het in twee areas gewerk. Die eerste was by Brabees, dit is waar Jimmy se stene en groente programme is, en dan ook hier by ons in Riemvasmaak – Vredesvallei. Ons is dankbaar dat die groep ook in Brabees kon werk want Jimmy probeer om verhoudings daar te bou. Die groep het verseker daarin geslaag aangesien ek al van ander oorde gehoor het hoe baie die mense dit waardeer en geniet het.

Bernard het defnitief ‘n slag met jongmense en dit was mooi om te sien hoe hy ons jongmeisies uit hul dop laat kruip het om ook aan die aktiwiteite deel te neem. Ons is besig met opvolg werk met die meisies en bid asb saam met ons dat daar vrug op die werk sal wees.

Ons het die groep vreeslik baie geniet en was waarlik ‘n seën vir ons as gesin. Dit is so pragtig om sulke mooi jongmense te ontmoet wat vol van die Here is en Hom dien.

Ons wil baie dankie se ook vir elkeen agter die skerms wat dit moontlik gemaak het vir die groep om te kom. Ook baie dankie aan al die bidders waarsonder so ‘n uitreik nie suksesvol kon wees nie. Julle is altyd welkom en ons hoop om julle weer volgende jaar te sien.

Dankie vir die gemeente wat ons so met liefde ondersteun en vir ons bid. Julle dra ons op die sendingveld.

Baie liefde

Jimmy, Marlize, Kirsti en Roux Meyer

Continue Reading

2018 Seronga, Botswana uitreik

Julie 2018

Vroeg die oggend van 7 Julie 2018 staan 3 voertuie van ons gemeentelede volgepak langs die pad na Lephalale en ons bid in die koue oggendure saam dat God ons sal beskerm op die pad, waar ons oppad is na Ds. Freddie en sy vrou Lesley in Seronga. Die grenspos by Martin’s Drift is nie te besig nie en ons is spoedig oppad na Palapye waar ons by Oom Gawie en Tannie Magda aansluit vir regte padkos-ontbyt, een van vele langs-die-pad-etes. Ons bestemming vir dag 1 is Maun waar ons by Delon en Lizette van Zyl oornag en soos konings ontvang word.

Dag 2 ry ons van Maun na Shakawe op ‘n onmoontlike teerpad, slaggat op slaggat vir 300km. Die pont by Shakawe help ons vining oor die Okavango rivier en dan die laaste 80km op ‘n ongemaklike grondpad tot by Seronga.

Dit is altyd lekker om by Ds. Freddie en Lesley aan te kom omdat dit voel soos familie. Afpak en uitpak aan sakke en sakke komberse en klere wat ons saamneem vir die behoeftiges in Seronga gebeur so saam met kamp opslaan en nesskrop voordat almal vroegerig inkruip na die lang dag.

Ons is in Seronga om te help met instandhouding van die sendingstasie en ook om vir Ds. Freddie, Lesley, Gomolemo en die res van die span te bemoedig waar hulle hard werk ver van hulle mense en met erge aanslae teen hulle. Ons boodskap aan hulle is dat indien hulle in God geanker bly, soos ‘n boom se wortels hom anker, sal hulle goeie vrugte dra vir die mense van Seronga, Botswana en Angola, waar hulle werk.

Elke dag na oggendgodsdiens spring ons aan die werk en installeer 3 nuwe deure, hekke, diefwerings, ‘n groot plafon en ‘n waterpomp om water uit die delta na die tenks te pomp. Ons help om die elektriese heining te herstel terwyl die dames die komberse en klere reg toor met naald en garing en sorg om die honger te stil. Laatmiddag het ons die voorreg om ons Here se Skepping op die water te beleef wanneer die Afrika-son in al sy glorie oor die delta sak en die Bontvisvanger tussen seekoeie en krokodille induik om ‘n vissie te vang…en ons besef die Here is hier teenwoordig…en ons bid dat die mense van Botswana sal besef wie Hy werklik is.

Vyf werksdae later begin ons terugtog huistoe, om en deur 1000de slaggate tot op Maun, sonder moeilikheid of teëspoed deur die grens, veilig tot in Thabazimbi.

Dankie vir elkeen wat bygedra het tot die sukses van hierdie uitreik: Tom en Rachel Miller, Pieter en Lesley Keay, Gawie en Magda Jordaan, Henk, Megan, Francois en (die regte) Marco Brits, Dr. Tinus en (die ander) Marco Benade en aan elkeen wat ons in hulle gebede gedra het.

Alle eer aan ons Here dat Hy ons gelei het, dat Hy ons beskerm het, dat Hy ons in siekte bygestaan het, dat Hy ons die geleentheid gegee het om uit te reik na ander en dat ons Hom mag ken.

 

NG Gemeente Thabazimbi Getuienisaksie

Continue Reading

2018 Barry en Coreen de Waal terugkeer na SA

Barry & Corinne de Vaal

Liewe Vriende,

Daar is so baie “hoe’s”in ons lewe op hierdie stadium van BEZ – Belgische Evangelische Zending.

– Hoe sê jy dankie?

– Hoe neem jy afskeid na 17 jaar?

– Hoe onderskei jy wat  om saam terug te neem?

– Hoe skakel jy weer in aan die anderkant?

– Hoe gaan jy voort met die res van jou lewe?

Ons klink kompleet soos twee uile.

 

Wat het ons geleer in hierdie afgelope 17 jaar?

– Dat onse Liewe Heer gister en vandag en môre dieselfde is en sal wees.

– Dat Hy Getrou is en altyd   getrou sal bly.

– Dat liefdesdiens nooit gemeet en terugbetaal kan word nie.

– Dat Hy wie ons geroep het, het ons ook van dag tot dag gelei, ondersteun, gedra, bekwaam gemaak, en die verlange na geliefdes ,en bekommernisse, sagter gemaak  met verloop van tyd.

– Dat Christenwees jou nie vrywaar van swaarkry, dood of beproewing nie.

– Dat die lewe kosbaar is en so kort.

– Dat NIKS maar net vanselfsprekend is nie!

 

Hoe voel ons op hierdie oomblik van binne?

– Ons voel oneindig bevoorregd  om hier te kon wees vir al die jare.

– Bevoorregd om al die pragtige mense te kon leer ken wêreldwyd.

– Geseënd oor ervaringe wat ons kon opdoen, geleenthede wat ons gehad het om dinge te kon sien en te ervaar en te waardeer.

– Ryk aan geweldige getuienisse en lieflike gesprekke en eindelose grappe rondom hierdie ou lang tafel in Nortonhuis.

– Dat afskeid nooit  maklik is nie, dat jy nuwe aanpassings liefs wil vermy en dat daar ‘n berg voor ons lê.

 

Dankbaarheid!

– ‘n Geweldige groot dankbaarheid  teenoor ons Hemelse Vader.

– Ons wil Hom loof en prys vir  Sy oneindige genade oor ons.

– Vir ons Gemeente in Sherwood, De Duin gemeente, die Gemeente van Petrusburg, Stilbaai, Thabazimbi, en alle ander individue en vriende…… –   dankie  dat julle so getrou vir ons gebid  en ondersteun het finansieel en  op ALLE ander gebiede om dit vir ons moontlik te kon maak om hier te kon wees vir so lank.

 

Nou wat nou?

– Nou het aftree-ouderdom gekom.

– Nou word ‘n “container” hier voor Nortonhuis in die straat geplaas op 15 Mei,  wat gevul gaan word met net   die mooiste herinneringe om vatbaar saam te neem, die ander word voelbaar saamgeneem in ons harte.

– Vliegtuigkaartjies na Suid-Afrika op 28 Junie.

 

En dan?

– Dan gaan JULLE ALMAL VIR ONS KOM KUIER op Pearly Beach in Suid-Afrika!

– Die Heer was weereens so getrou om vir ons te voorsien van ‘n huis by die see, omtrent 2 uur se ry vanaf Kaapstad.

– Dan glo ons dat Hy ons weer gaan lei, gaan gebruik daar in die kerkie op Pearly Beach en ook om op ‘n baie kleiner skaal voort te gaan met ons gasvryheidsbediening! Ons Loof en Prys Hom daarvoor.

 

Gebed!

– Dat alles goed sal gaan op alle gebiede met ons terugkeer na Suid-Afrika.

– Vir die BEZ wat ook nou in ‘n  oorgangsfase is – vir leiding en wysheid.

– Vir ons Gemeente hier in Schaarbeek, die Bethel Kerk. Dat die gemeentetal sal groei. Vir krag en sterkte en wysheid vir ons voorganger hier, Gottlieb Blokland en vir sy gesin. Vir die werk wat hier deur ons gemeente in Schaarbeek gedoen word, ook onder die daklose en vlugtelinge.

 

Groete en liefde van hart tot hart,

Barry en Coreen de Vaal

Ons bankbesonderhede bly nog dieselfde:

België:

ING Bank:  Bernardus en Cornelia de Vaal

BE19 3101 5853 9112

BIC: BBRUBEBB

Suid-Afrika: 

ABSA Bank:  Cornelia de Vaal

1408171527

Coreen in Israel by die Onse Vader gebed in Koreaans. Gespel soos haar naam. Barry En Coreen se trek buite Norton huis Alles gereed om gelaai te word terug na Suid-Afrika Vele hande ...

 

 

 

 

 

 

Continue Reading